管理(1) - Encouragement

二揀一，你會點揀？

(1) 每年有24,000蚊bonus，但每遲到一次就會o係bonus扣100蚊。
(2) 準時返工一日，就加100蚊bonus。

*假設每個月返20日工，一年剛好240日。

好多公司為左要令員工準時返工，會加入一D policy去令員工自動準時。通常管理層都會好直角地提出減bonus方法，去阻嚇遲到員工，即上面第一選擇。

呢個方法通常都會好快見效，員工為左唔想bonus減少，寧願早半個鐘返公司，食早餐又好，睇新聞又好，總之早到好過遲到。但係，員工同時亦會諗，既然公司要我準時返工，咁我準時放工都好應該啫。所以結果變成少左員工遲到，同時亦少左員工肯OT。長遠而言，公司士氣變差，更多員工離職，換血成本增加，得不償失。

第二個選擇其實同第一選擇所付出o既bonus一樣，如果所有人都唔遲到，同樣都係要每人比24,000蚊一年。但係，效果就好唔同。員工會覺得公司多左個奬勵計劃，對員工好左，員工會有感恩心態，會變得積極左。結果會少左員工遲到，同時亦唔會少左員工OT，反而員工會變得肯為公司付出。長遠而言，員工士氣增加，變得更有歸屬感，員工流失率減少。

一個間單o既決定，可以對公司有深遠o既影響，所以每次解決管理問題之前，請三思而後行。