成日話八十後九十後出嚟打工乜都唔掂，事實係咪咁？咁到底佢地打工又係抱住咩心態？
Sunday, February 3, 2019
Friday, January 25, 2019
Tuesday, October 30, 2018
用中文拆解比特幣白皮書Bitcoin White Paper
Bitcoin就聽得多，亦都有好多人用不同方法去解釋乜嘢係Bitcoin，但又有幾多人真係睇過Bitcoin份white paper?
我今日就用中文去拆解呢份傳說中嘅Bitcoin White Paper。
https://link.medium.com/6NYj2dvSqR?fbclid=IwAR32tgE6gdU0xwXXk3IVWuOd8rCxzHYmkvNUzAjpH_JfNIw7JjGucgmgBwo
Wednesday, July 11, 2018
今日係我嘅Last day(4)：Startup篇
今日係我嘅last day。老實講，今次我係預咗。
到底係第幾次last day？一定超過10次，不過真係唔記得係第十幾次。但經歷咗咁多次悲歡離合，其實都已經習慣晒。
Wednesday, April 25, 2018
今日係我嘅Last day(3)：FinTech篇
今日係我嘅Last day。
原本我以為呢一份工可以做返三五七年，但原來一切都只係我一廂情願。到最後，竟然只係做咗兩年，連三年嘅目標都達唔到，唔好話五年、七年。
我以為做FinTech好好玩，點知，係畀人玩就真。
—-
呢一份係我嘅第三份工，亦都係我正式踏入FinTech界嘅一個轉捩點。
近呢幾年好多人講FinTech呢個話題，連隔離陳師奶都可以同你講呢個係香港未來嘅大趨勢，但當你問佢FinTech係做乜，佢就未必識答你。所謂FinTech，其實即係Finance + Technology。例如以前啲人買股票唔方便，下下要搵著紅背心嘅股票經紀落場做買賣，又麻煩又慢，仲成日出錯；於是港交所就做啲嘢去令成個過程自動化，開始有自動對盤系統出現，而當年嘅紅背心交易就變成歷史。
到咗今時今日，整個金融行業都已經逐漸將Technology融入自己嘅業務，再加上好多人覺得FinTech係「一樣好賺錢嘅嘢」，一間阿豬阿狗嘅公司都可以話自己做FinTech，所以其實做FinTech並不一定等於待遇好，但至少一入呢行就好似頭頂多咗個光環咁，好多人都會羨慕你。於是，我懷住興奮嘅心情入到呢一間Vendor公司，準備大展拳腳，實踐抱負。
—–
第一年，所有嘢都好美好。我喺呢度得到嘅第一樣嘢，就係Finance嘅Knowledge。
相比之下，老實講，以前兩份工嘅所謂見識都只係皮毛。一般IT人點叻都好，最多咪只會識Technology。講到底，IT其實只係技術，唔能夠獨立存在，而係用嚟解決現實問題。但做FinTech就要連Finance都識埋，最好喺大學時已經係IT同Finance double major咁讀，但香港又有幾多個有咁嘅學歷？所以多數人都係邊做邊學。未開始做Project，我已經學識咗好多Finance嘢。而呢啲嘢我喺舊公司根本冇機會接觸到。
其實我覺得有啲嘢邊做邊學可能仲好，因為讀書還讀書，好多時讀書嘅內容同現實世界有好大差別。例如股票巿場咁，讀書嗰陣梗係會話Supply and demand就係控制股票嘅價格；但喺現實中，原來阿爺一句說話就可以令個巿大升，下一句說話就令個巿大跌，同Supply and demand有乜關係呢？
岔開咗話題添。講返份工……
—–
我喺呢度得到嘅第二樣嘢，係一個畀我發揮嘅空間。
咩意思呢？即係例如有次個Project係要Revamp個System，我可以選擇將佢拆做一舊舊又得，將佢合埋變一舊又得，用乜嘢Technology都可以，總之最終目的就係要令成套System容易Customize畀唔同嘅客人用。
聽落好難，但其實咁Challenging嘅嘢先有發揮空間。你諗下，叫你寫個Program去計1+1，可以有幾多種方法？但叫你寫個Program去處理股票交易，咁就大把方法做，人人做出嚟都唔同。咁先好玩。
好似又岔開咗話題。講返份工……
—–
所以，其實我頭一年喺呢間公司係做得幾開心。我同班兄弟做咗好多Project，個個Project都好成功，好有滿足感。但當踏入第二年，所有嘢就唔同晒；到最後，個個兄弟都認為非走不可。
問題出咗喺邊？問個PM啦。
IT呢一行好怕有啲唔識IT嘅人做主要嘅位置，而呢一位PM正正就係唔識IT，但由佢負責同啲客傾Requirement。Well，傾還傾，唔好乜都話一定做到，好易做先得㗎。你有無問過落手落腳做嗰班人係咪真係做到？係咪真係咁易做？有無違反相對論同物理學定律？你以為個客叫你整個黑洞出嚟都做到？
最大嘅問題係，能者多勞，呢句說話永遠都冇錯；當一個員工越做到嘢，PM就會將越來越大嘅Workload分配畀佢。當班兄弟已經用咗120%嘅精力去做Project嘅時候，你再去應承人哋聽日畀到新嘢佢，咁呢啲嘢邊個做？你做呀？
喺呢兩年，我每日都係早上8點返到公司，晚上差唔多11點先走。一開始我真係發自內心，想將啲嘢做好啲；但慢慢就變成冇辦法唔咁做，因為啲嘢開始做唔切。班兄弟真係開始頂唔順，無論身心同家庭都無法兼顧。
最好笑嘅係，我哋做開FinTech，其實好多iBank都好Welcome我哋轉過去佢哋度做，人工三級跳。出面個世界真係好吸引，但係我唔捨得呢一班同我一齊趕Project死線，完成咗Project一齊去飲嘢慶功嘅兄弟；手頭上永遠有幾個Project喺手，我都唔想掉低佢哋一走了之。
可惜，呢度嘅高層唔會明。我解釋過好多次，咁大Workload，不停應承人哋畀嘢人，但又唔請多啲人，咁梗係個個都頂唔順啦。人工又唔係高過人，Bonus又冇我哋份，基本上等於趕我哋走。你估吓班高層點回應？
佢哋話：「一直以嚟，大大話話都走咗幾十個人，唔在乎再走多啲人，走咗就再請，就係咁簡單。」
好啦，咁我唯有過主。唔阻你哋發達。
——
今日係我嘅Last day。
心情好複雜。唔捨得，但又唔走唔得。下一份工會唔會又係咁？冇人知，只有自己親身去試吓先知。最唔捨得班日日出生入死嘅兄弟，所以我買散水餅都好重手，兄弟嘛，大家明啦，有機會嘅話喺出面再見。
小弟行先喇。
（本故事純屬虛構，如有雷同，實屬巧合。）
此文章在jobsDB刊登
原本我以為呢一份工可以做返三五七年，但原來一切都只係我一廂情願。到最後，竟然只係做咗兩年，連三年嘅目標都達唔到，唔好話五年、七年。
我以為做FinTech好好玩，點知，係畀人玩就真。
—-
呢一份係我嘅第三份工，亦都係我正式踏入FinTech界嘅一個轉捩點。
近呢幾年好多人講FinTech呢個話題，連隔離陳師奶都可以同你講呢個係香港未來嘅大趨勢，但當你問佢FinTech係做乜，佢就未必識答你。所謂FinTech，其實即係Finance + Technology。例如以前啲人買股票唔方便，下下要搵著紅背心嘅股票經紀落場做買賣，又麻煩又慢，仲成日出錯；於是港交所就做啲嘢去令成個過程自動化，開始有自動對盤系統出現，而當年嘅紅背心交易就變成歷史。
到咗今時今日，整個金融行業都已經逐漸將Technology融入自己嘅業務，再加上好多人覺得FinTech係「一樣好賺錢嘅嘢」，一間阿豬阿狗嘅公司都可以話自己做FinTech，所以其實做FinTech並不一定等於待遇好，但至少一入呢行就好似頭頂多咗個光環咁，好多人都會羨慕你。於是，我懷住興奮嘅心情入到呢一間Vendor公司，準備大展拳腳，實踐抱負。
—–
第一年，所有嘢都好美好。我喺呢度得到嘅第一樣嘢，就係Finance嘅Knowledge。
相比之下，老實講，以前兩份工嘅所謂見識都只係皮毛。一般IT人點叻都好，最多咪只會識Technology。講到底，IT其實只係技術，唔能夠獨立存在，而係用嚟解決現實問題。但做FinTech就要連Finance都識埋，最好喺大學時已經係IT同Finance double major咁讀，但香港又有幾多個有咁嘅學歷？所以多數人都係邊做邊學。未開始做Project，我已經學識咗好多Finance嘢。而呢啲嘢我喺舊公司根本冇機會接觸到。
其實我覺得有啲嘢邊做邊學可能仲好，因為讀書還讀書，好多時讀書嘅內容同現實世界有好大差別。例如股票巿場咁，讀書嗰陣梗係會話Supply and demand就係控制股票嘅價格；但喺現實中，原來阿爺一句說話就可以令個巿大升，下一句說話就令個巿大跌，同Supply and demand有乜關係呢？
岔開咗話題添。講返份工……
—–
我喺呢度得到嘅第二樣嘢，係一個畀我發揮嘅空間。
咩意思呢？即係例如有次個Project係要Revamp個System，我可以選擇將佢拆做一舊舊又得，將佢合埋變一舊又得，用乜嘢Technology都可以，總之最終目的就係要令成套System容易Customize畀唔同嘅客人用。
聽落好難，但其實咁Challenging嘅嘢先有發揮空間。你諗下，叫你寫個Program去計1+1，可以有幾多種方法？但叫你寫個Program去處理股票交易，咁就大把方法做，人人做出嚟都唔同。咁先好玩。
好似又岔開咗話題。講返份工……
—–
所以，其實我頭一年喺呢間公司係做得幾開心。我同班兄弟做咗好多Project，個個Project都好成功，好有滿足感。但當踏入第二年，所有嘢就唔同晒；到最後，個個兄弟都認為非走不可。
問題出咗喺邊？問個PM啦。
IT呢一行好怕有啲唔識IT嘅人做主要嘅位置，而呢一位PM正正就係唔識IT，但由佢負責同啲客傾Requirement。Well，傾還傾，唔好乜都話一定做到，好易做先得㗎。你有無問過落手落腳做嗰班人係咪真係做到？係咪真係咁易做？有無違反相對論同物理學定律？你以為個客叫你整個黑洞出嚟都做到？
最大嘅問題係，能者多勞，呢句說話永遠都冇錯；當一個員工越做到嘢，PM就會將越來越大嘅Workload分配畀佢。當班兄弟已經用咗120%嘅精力去做Project嘅時候，你再去應承人哋聽日畀到新嘢佢，咁呢啲嘢邊個做？你做呀？
喺呢兩年，我每日都係早上8點返到公司，晚上差唔多11點先走。一開始我真係發自內心，想將啲嘢做好啲；但慢慢就變成冇辦法唔咁做，因為啲嘢開始做唔切。班兄弟真係開始頂唔順，無論身心同家庭都無法兼顧。
最好笑嘅係，我哋做開FinTech，其實好多iBank都好Welcome我哋轉過去佢哋度做，人工三級跳。出面個世界真係好吸引，但係我唔捨得呢一班同我一齊趕Project死線，完成咗Project一齊去飲嘢慶功嘅兄弟；手頭上永遠有幾個Project喺手，我都唔想掉低佢哋一走了之。
可惜，呢度嘅高層唔會明。我解釋過好多次，咁大Workload，不停應承人哋畀嘢人，但又唔請多啲人，咁梗係個個都頂唔順啦。人工又唔係高過人，Bonus又冇我哋份，基本上等於趕我哋走。你估吓班高層點回應？
佢哋話：「一直以嚟，大大話話都走咗幾十個人，唔在乎再走多啲人，走咗就再請，就係咁簡單。」
好啦，咁我唯有過主。唔阻你哋發達。
——
今日係我嘅Last day。
心情好複雜。唔捨得，但又唔走唔得。下一份工會唔會又係咁？冇人知，只有自己親身去試吓先知。最唔捨得班日日出生入死嘅兄弟，所以我買散水餅都好重手，兄弟嘛，大家明啦，有機會嘅話喺出面再見。
小弟行先喇。
（本故事純屬虛構，如有雷同，實屬巧合。）
此文章在jobsDB刊登
Wednesday, February 28, 2018
今日係我嘅last day(2)：一星期返七日Analyst Programmer篇
今日係我嘅last day。
人人都話，你做咗兩個月就辭職，肯定好憎呢份工。其實我都好希望我自己鐘意呢份工。事實上，我一開始係好鐘意㗎，不過幾鐘意都好，我都係一個人。人，係需要休息嘅。
因為，除咗每日OT起碼三粒鐘之外，由我入職第一日開始，到今日，我都冇放過假。一日都冇。包括星期六日，我都係喺office做嘢。
----
話說，呢間公司係做股票交易系統嘅vendor，而我apply個位係Analyst Programmer。見工嗰陣，個line manager同我講呢個係百年難得一遇嘅機會，因為個project size係過千萬，將來同人講你做過咁大型嘅project，一定好多人爭住請。而最後，個interview係用咗三個鐘，去睇清楚我適唔適合。
個project size係好大，都預咗多嘢做，但點都估唔到，由第一日返工開始就已經好辛苦……又或者可以話好充實。
嗰日我老細就將我介紹畀同team另外三個都係啱啱請嘅新同事，用半日同我哋講咗我哋要做啲咩。基本上，我哋要做嘅嘢係成個project最重要嘅部份：system design。佢同我哋講，呢條team好難請，見咗超過一百人先請得齊人，而我哋每個人都經過好幾個小時嘅interview洗禮，覺得我哋mindset最合乎要求，所以對我哋好高期望，叫我哋畀心機做嘢。
之後，佢就交低一本過千頁嘅書畀我哋，本書係講股票巿場運作。佢要我哋由頭到尾睇晒佢，同埋明晒，仲要喺開會嘅時候present返出嚟。
-----
股票巿場運作，好多人以為識，其實仔細睇係好複雜。例如要知落單order會點樣route去聯交所，一單order成交咗一半咁條數又點計，到成咗單trade之後又點樣settle，貨同錢點樣調動交收。所以，並非好似啲散戶咁炒下股票就叫識。
其實present返出嚟唔係一個問題，問題係喺個會上面，會有一大班人聽你present，同埋會不停狂插。佢哋認為我哋要present得出，先算真係明；如果我哋唔明的話，design出嚟個system就會有好多細節位出錯。而佢哋嚴格嘅程度係，只要有一丁點字眼冇講清楚，就會打爛沙盤問到篤。
其實咁都未係問題。最慘嘅係，雖然我哋係做IT啫，但個腦始終係人腦，問到最後，總會有啲嘢唔記得或者唔識。然後就會畀呢班人狂鬧：「乜你咁都唔識㗎？你究竟有冇睇本書㗎？睇咗都唔識？你點解會咁蠢㗎！」
-----
又要花時間睇本書，又要present，仲要落手落腳寫programme，OT當然係走唔甩。不過，好彩我唔需要通頂做嘢，因為其實就算通頂都唔會做得晒，所以唔會咁傻去通頂做嘢。但係喺呢間搵錢至上嘅公司，啲老細同同事真係癲到星期六日都會返office做嘢，結果我都變相被迫要返嚟同佢哋present。
於是乎，過去兩個月，我每日除咗返工就係返工，休息時間相信比大部份香港人都少。嗯……可能係比世界上大部份人都休息得少，因為香港人出名OT得多，工時長。如果我比香港大部份人休息得少，好明顯都比世界上大部份人都休息得少。好合邏輯。IT人，梗係講邏輯啦。
聽講，好多會計師都係咁，尤其係Big 4嗰啲。但一個Big 4會計師，同一個IT人，回報又點可以相提並論……
-----
就係咁，不停重覆兩個月，冇休息，每日present兩三次，俾人不停話你蠢，身心都處於瀕臨崩潰嘅邊緣。然後，我終於辭職。
今日，我感覺好似放監出嚟一樣，身心舒泰。我覺得呢兩個月好似兩年咁長；而且，就算下一份工有幾辛苦我都唔驚，因為我唔相信仲有其他工可以辛苦過呢一份。不過，喺呢度，我真係學咗好多嘢，就好似用兩個月學咗兩年嘅嘢咁。
喺呢一刻，個system design只係完成咗10%都唔知有冇，但我認為唔值得用自己條命同佢繼續搏鬥落去；我希望到佢100%嘅時候，另外三個teammate仍然身體安康。
今日係我嘅last day，實在值得慶祝。但我冇準備散水餅，因為我對呢度一啲都唔留戀。
（本故事純屬虛構，如有雷同，實屬巧合。）
此文章在jobsDB刊登
人人都話，你做咗兩個月就辭職，肯定好憎呢份工。其實我都好希望我自己鐘意呢份工。事實上，我一開始係好鐘意㗎，不過幾鐘意都好，我都係一個人。人，係需要休息嘅。
因為，除咗每日OT起碼三粒鐘之外，由我入職第一日開始，到今日，我都冇放過假。一日都冇。包括星期六日，我都係喺office做嘢。
----
話說，呢間公司係做股票交易系統嘅vendor，而我apply個位係Analyst Programmer。見工嗰陣，個line manager同我講呢個係百年難得一遇嘅機會，因為個project size係過千萬，將來同人講你做過咁大型嘅project，一定好多人爭住請。而最後，個interview係用咗三個鐘，去睇清楚我適唔適合。
個project size係好大，都預咗多嘢做，但點都估唔到，由第一日返工開始就已經好辛苦……又或者可以話好充實。
嗰日我老細就將我介紹畀同team另外三個都係啱啱請嘅新同事，用半日同我哋講咗我哋要做啲咩。基本上，我哋要做嘅嘢係成個project最重要嘅部份：system design。佢同我哋講，呢條team好難請，見咗超過一百人先請得齊人，而我哋每個人都經過好幾個小時嘅interview洗禮，覺得我哋mindset最合乎要求，所以對我哋好高期望，叫我哋畀心機做嘢。
之後，佢就交低一本過千頁嘅書畀我哋，本書係講股票巿場運作。佢要我哋由頭到尾睇晒佢，同埋明晒，仲要喺開會嘅時候present返出嚟。
-----
股票巿場運作，好多人以為識，其實仔細睇係好複雜。例如要知落單order會點樣route去聯交所，一單order成交咗一半咁條數又點計，到成咗單trade之後又點樣settle，貨同錢點樣調動交收。所以，並非好似啲散戶咁炒下股票就叫識。
其實present返出嚟唔係一個問題，問題係喺個會上面，會有一大班人聽你present，同埋會不停狂插。佢哋認為我哋要present得出，先算真係明；如果我哋唔明的話，design出嚟個system就會有好多細節位出錯。而佢哋嚴格嘅程度係，只要有一丁點字眼冇講清楚，就會打爛沙盤問到篤。
其實咁都未係問題。最慘嘅係，雖然我哋係做IT啫，但個腦始終係人腦，問到最後，總會有啲嘢唔記得或者唔識。然後就會畀呢班人狂鬧：「乜你咁都唔識㗎？你究竟有冇睇本書㗎？睇咗都唔識？你點解會咁蠢㗎！」
-----
又要花時間睇本書，又要present，仲要落手落腳寫programme，OT當然係走唔甩。不過，好彩我唔需要通頂做嘢，因為其實就算通頂都唔會做得晒，所以唔會咁傻去通頂做嘢。但係喺呢間搵錢至上嘅公司，啲老細同同事真係癲到星期六日都會返office做嘢，結果我都變相被迫要返嚟同佢哋present。
於是乎，過去兩個月，我每日除咗返工就係返工，休息時間相信比大部份香港人都少。嗯……可能係比世界上大部份人都休息得少，因為香港人出名OT得多，工時長。如果我比香港大部份人休息得少，好明顯都比世界上大部份人都休息得少。好合邏輯。IT人，梗係講邏輯啦。
聽講，好多會計師都係咁，尤其係Big 4嗰啲。但一個Big 4會計師，同一個IT人，回報又點可以相提並論……
-----
就係咁，不停重覆兩個月，冇休息，每日present兩三次，俾人不停話你蠢，身心都處於瀕臨崩潰嘅邊緣。然後，我終於辭職。
今日，我感覺好似放監出嚟一樣，身心舒泰。我覺得呢兩個月好似兩年咁長；而且，就算下一份工有幾辛苦我都唔驚，因為我唔相信仲有其他工可以辛苦過呢一份。不過，喺呢度，我真係學咗好多嘢，就好似用兩個月學咗兩年嘅嘢咁。
喺呢一刻，個system design只係完成咗10%都唔知有冇，但我認為唔值得用自己條命同佢繼續搏鬥落去；我希望到佢100%嘅時候，另外三個teammate仍然身體安康。
今日係我嘅last day，實在值得慶祝。但我冇準備散水餅，因為我對呢度一啲都唔留戀。
（本故事純屬虛構，如有雷同，實屬巧合。）
此文章在jobsDB刊登
Thursday, February 1, 2018
Bitcoin(12) - 礦場出糧點樣派?真係派足比你?
好多人都以為每次成功挖礦，只會有12.5 BTC。其實仲有transaction fee呢舊肥豬肉，而一般散戶都唔知。
其實呢個世界嘅礦池係咪全部都諗住唔派transaction fee？淨係派reward？如果係嘅話，佢地食咗幾多利潤？
transaction fee有幾多？
source: blockchain.info
以Block 501799計算，transaction fee大概係1.9BTC，大概佔該次成功挖礦總收入1.9/(12.5+1.9) = 13.19%
即係話，礦池一直食你13.19%嘅利潤而你仲傻下傻下。
咁食法，做礦池生意真係好好做，因為可以叫人買佢啲礦池合約，但淨係派reward，而transaction fee自己食晒，好和味。
transaction fee有幾多？
source: blockchain.info
以Block 501799計算，transaction fee大概係1.9BTC，大概佔該次成功挖礦總收入1.9/(12.5+1.9) = 13.19%
即係話，礦池一直食你13.19%嘅利潤而你仲傻下傻下。
咁食法，做礦池生意真係好好做，因為可以叫人買佢啲礦池合約，但淨係派reward，而transaction fee自己食晒，好和味。
Subscribe to:
Posts (Atom)