Must-have apps for iPhone 2013 (3)

以iOS game而言，2013我玩o既主要都係Grand Theft Auto系列，包括GTA III, GTA: Chinatown Wars，GTA: Vice City 同埋 GTA: San Andreas。

GTA系列出名於高耐玩性，多任務，亦多隱藏野，而且有故事性，不過我覺得最吸引我o既係可以o係城市入面橫衝直撞，同差佬駁火，對於香港人黎講，打打殺殺係一個好好o既減壓方法。

第一隻o係iOS玩o既GTA係GTA3，一開始覺得D 3D畫面好差，唔夠靚。但玩落之後，就覺得畫面其實係次要，最重要係遊戲內容同埋順暢度。爆機之後，再己經不能自拔，所以買埋其餘三隻GTA。講真，其實每一隻GTA都可以玩好耐，幾十蚊就可以買到其實都幾抵玩。

GTA: Chinatown Wars其實我覺得幾特別，因為佢用返由上向下望o既視角，而唔係其他三隻咁任意調較，有D似玩返第一集GTA o既感覺。不過GTA o既高可玩性，令到畫面兩邊需要放置好幾個button，加上要顯示小地圖，角色狀態同埋武器，如果用iPhone玩就會好辛苦，所以我只會用iPad玩GTA系列遊戲。

玩到GTA: San Andreas，除左畫面改進左好多之外，亦多左好多元素，例如主角會有女朋友，要間中同佢出下街，而主角亦都多左幾個attributes，例如揸車揸得多，會提升driving skills，做下gym，又會揀出多D muscle。

總結而言，GTA係o係我部iPad放得最耐o既game，就算爆左機都唔係好想delete左佢。如果大家諗唔到用iPad玩咩game好，我會推薦GTA系列。

Must-have apps for iPhone 2013 (2)

香港公共機構或政府機構其實真係好out。成日話大力支持IT業，但我真係完全feel唔到政府做過D乜。唔好同我講，喺公屋大堂裝D上唔到網o既wifi AP咁o既官商勾結project係叫做支持IT業。

不過，其中一D公共機構app，其實又真係好有用。就好似香港天文台o既app就值得一讚，尤其最近天氣寒冷，唔少朋友都用天文台app去睇天氣，再決定當日著幾多衫或帶唔帶遮。而熱天o個陣，最多人用呢個app o既時候當然係打風落大雨o個陣，無論個結果洗唔洗返工或者有冇得早放，基本上都有無數打工仔開住個app，每幾分數就refresh一次。雖然個app，無論係個icon定係app入面D制，都好似好求其，但佢勝在資料夠update，分區氣溫，天氣警告，各樣資料都好齊。

其實香港人制作o既app一向唔入流，介面設計，可用性，趣味性，各方式都唔及外國o既app。所以我部iPhone亦都極少keep住香港app，而天文台app實在係一個exception，由佢推出到而家，我都冇uninstall過，而且機乎日日都會開黎睇下天氣。所以佢成為我推薦o既must-have app，實在係實至名歸。

香港，勝在有...無限福利？

從前，香港人為香港嘅三權分立制度，有廉政公署而驕傲。今日，立法會被功能組別同親中派控制，市民聲音永遠唔能夠被接受。廉政專員醜聞，亦令人覺得廉政公署己經被赤化，功能成疑。司法機關亦於最近出賣香港永久居民，5位法官到今時今日竟然仍然認為新移民對香港政府財政影響微不足道，實在令人O咀。但以上一切，對新移民人士皆為喜訊，香港對佢地黎講真係一遍樂土，因為有無限福利等住佢地。

講到呢個topic，我覺得非常同意Anthony嘅睇法。每個人都應該為自己嘅將來同下一代打算，香港係咪值得留低，大家應該好好深思。
福利崩潰、鬥心崩潰...多謝何喜華

當然，亦有人會認為香港比世界其他大城市仍然好好多，要移民亦唔係咁間單，大家可以參考下佢嘅意見。
衝上雲霄移民去

三權分立制度中，立法同司法己經淪陷，再加上廉政公署被赤化，香港仲有咩值得驕傲？下一次會唔會輪到執法機關？唔好唔記得，國教事件話左比我地知中央己經對香港教育制道虎視眈眈。黎緊嘅普選咨詢，必定又會搞到滿城風雨。

Must-have apps for iPhone 2013 (1)

2013年好快就完，作為一個IT人，每年都會用/試好多唔同嘅app。有時係為左新鮮感，有時係單單因為個icon靚而install黎睇下咩黎，而更多時係見好多人，所以自己又會試下用。

如果你問我，2013年用得最多嘅app係咩app，我應該會揀AppShopper。

因為我每日都會開一開，睇下有D咩app係最popular，同埋會睇下app排名，有D app排名好高，而我又冇用過，就會download黎睇下咩黎。就係咁，我每日都會開一開AppShopper，然後download新app，玩一陣，再delete返個app。我大部份用緊嘅iPhone app都係因為AppShopper而install。

呢個app除左可以睇到用家rating之外，仲可以mark你own左咩app，又可以將個app加入wish list，到個app變為free或減價時就會有通知，好就係用呢個功能用低價買左好幾個想要嘅app。另外，呢個app亦都可以睇到每個app嘅activity，即係幾時放上appstore，幾時加價減價。

可惜，早幾個月Apple將AppShopper下架，而家己經冇得再download，不過因為我一直都install左，所以可以繼續用。雖然AppShopper冇左，但開發商之後發佈一個叫AppShopper Social嘅app黎代替舊app，功能差唔多，但多左social network元素，但我本人就始終鐘意舊版AppShopper多D。

By the way，其實呢個app同AppShopper.com係互通，只要開個account，你mark左嘅wish list同my app，就可以兩邊都睇得返。

司法機關已被攻破

尋日啱啱講完丐幫搵香港營切磋武藝，即日o係網上面己經發生另一丐幫同香港營之間o既衝突。

領綜援需居港7年終院裁違憲 頒令新移民住滿1年即可領

http://www.hkcd.com.hk/content/2013-12/18/content_3284044.htm

綜援無「限」 援助底綫何在？http://www.hket.com/eti/article/a0cad18d-0287-4c65-b07d-b6a2d1bc27e9-670982?ref=ak8fs

唔洗睇內文，淨係睇標題己經知道咩事。

香港人經過好幾代嘅努力建立出黎嘅法律，制度，福利，文化，呢幾年己經一一被丐幫擊破。

"內地移港的孔允明曾因新移民身份申領綜援被拒，入稟挑戰制度，至昨日終審法院裁定，居港7年限制是違憲。"
講真，我唔太相信一個內地人會咁熟悉香港法律，除非佢係法律界人士。我比較相信陰謀論，呢件事我覺得背後其實有丐幫高人指點。

"終審法院5名法官昨一致裁定，社署規定成年新移民居港7年始可領取綜援是「違反憲法」，并將規定的居港期限回復至回歸前所訂的1年期限。"

最好笑係，連香港終審法院5名法官，原來都己經加入丐幫行列。香港營己經連司法機關都輸埋，仲有咩可以輸呢？

要全香港人交稅去建設香港，而最終受惠嘅並非香港人，你估香港人係傻的？你地丐幫咁鐘意香港，我地香港營又無力反抗，咁咪唯有撤退到外國囉。我相信你地得到嘅唔係香港，而係另一個大陸城市。

丐幫 vs 香港營

中港矛盾己經唔係新聞，回歸以來，香港人一直害怕香港被大陸化。點解？只要返一返深圳就明。你會見到好多高樓大厦，但外牆永遠都係舖滿灰塵，地上永遠都有無盡o既垃圾，任何一個厠所都係奇臭無比。。。

環境差唔緊要，好多歐洲國家都係咁上下，但人文質素又如何呢？大陸人鐘意打尖，排隊時一定要心口貼背脊，如果唔係就會有機會比人打尖。佢地亦都好鐘意隨地吐痰，隨地蹲低，甚至隨地睡覺。呢一種境象，我諗以丐幫黎比喻就最貼切不過。呢D其實只係表面上可以比人見得到o既問題，見唔到o既真係多的是。例如申請乜証物証，要比錢先幫你做，又或者，你開鋪頭，如果唔比錢就會犯官非。如果搞大公司大企業，供數貪官日日煩你，過年過節又必須送錢送禮，如果唔係，間公司真係註定要關門大吉。

近呢一兩年，呢D質素o既人不停輸入香港，香港人己經唔係淨係驚，而係要日日對住呢班丐幫幫主(冇錯，佢地個個都當自己係幫主)，經濟上要靠佢地，所以要笑住對佢地，但心裡面或暗地裡其實不停咒罵。

最諷刺係，香港營營主不單冇為香港爭取應有權利，反而投靠丐幫，為丐幫向香港營攞著數，仲引渡一大班丐幫幫眾黎香港。破壞香港環境秩序，甚至公然向香港營嘍囉"切蹉武藝"。

http://hk.news.yahoo.com/%E7%88%AD%E8%B2%B7%E5%A5%B6%E7%B2%89-%E4%BA%94%E7%94%B7%E5%A5%B3%E5%82%98%E9%8B%B8%E8%82%89%E6%90%8F-222508160.html

香港己經o係水深火熱之中，如果再係咁落去，香港人真係好難再留o係香港營。

唔識唔好扮識

我諗每一個IT人都見過有人o係自己面前班門弄斧，就好似最近有人話bitcoin發行量可以無限。講真，我睇一睇此專欄作家係邊位，然後記住呢個人吹水唔抺咀，以後佢寫D野9成不可信。

唔識bitcoin o既，就唔好扮識，連bitcoin係點產生都唔知，就唔好扮晒專家，仲要話"虛擬貨幣非「有限」...既然人人皆可無中生有，那虛擬貨幣的發行量實際上是無限。"其實佢知唔知自己講緊乜。bitcoin mining最初的確係好容易，但而家己經要靠強大o既電腦或者用crowd sourcing o既強大力量去挖。如果想做bitcoin miner，自己google下點做啦。如果想無中生有，可能要問下o個位"作"家。

除左寫專欄o既人之外，D上司老細都好鐘意明明唔識又扮晒識。講左好多次，IT人每個都有自己o既skillset，你要請一個人做Role A，就唔好請左佢返黎就叫左佢做D風馬牛不相及o既Role B。有咩問題？問題就係佢未必識做Role B，就算識，佢都唔會鐘意做Role B，因為佢當初accept個offer係想做Role A。你叫佢做Role B，其實同叫佢自動辭職冇分別。老細們經常以為IT人就係IT人，請一個IT人，咁所有IT野都可以搵佢做。我想講，IT人唔係文員，你請個文員執文件，佢梗係乜野文件都識執，但你請個IT人返黎，你點可能expect佢又識寫program，又識起network，又識買機報價，又識vendor management，又識...(下刪一百字)

其實，各位上司老細，o係你做任何同IT有一丁點關係o既動作前，可唔可以先consult下你o既IT最高領導人(即係CTO or CIO or CISO)呢？冇？咁你consult下我，睇下我幫唔幫到你。唔好再乜都唔識又要扮晒識。面係人地比，架係自己丟，路姆西係人地丟你。

Java: Pass By Reference or Pass By Value?

Many beginners of Java programming has the same question. When you put an object into an array, is it pass by value or pass by reference?

Well, let's see an example.


public class Test {

public static class A {
public String str;
}

public static void main(String[] args){
A[] array = new A[1];

A a = new A();
a.str = "Hey";
array[0] = a;
a.str = "Hello";
System.out.println(a.str);
System.out.println(array[0].str);

}
}

What do you think it will display? If Java is pass by value, then array[0] = a is actually copying the object and put it into the array, and as a result,  list.get(0).str should be "Hey".

However, the output is like this:
Hello

Hello

So, it is pass by reference? Actually, No.

Every object reference is storing the memory address of an object only. For example, 

A a = new A();

a is storing the address of the block of memory space containing the newly created object. When it is put in the list,

array[0] = a;
it is actually copying the address into the array.

It is easier to understand if we modify the above program to pass a primitive type value into the array:

public class Test {

public static void main(String[] args){
int a;
int[] array = new int[1];

a = 0;
array[0] = a;
a = 1;
System.out.println(a);
System.out.println(array[0]);

}

}

1

0

array[0] = a is actually copying 0 into array[0], so assigning new value to a will not affect the value of array[0].

Java: How to Split Strings In Java

Splitting Strings in Java is easy, because there is a split() method implemented in the class String, which means every string object can be split with a pattern provided. Here is an example:


String text = "One;Two;Three";

//Splitting the text on semi-colons
//Note that an array of String is returned.
String[] tokens = text.split(";");

//Loop over the array to display the result.
for (String token : tokens){
    System.out.println(token);
}


One
Two
Three


Since the split() function accepts regular expression as the parameter, if you want to split on, for example, a backslash "|", then you need to escape it.

String text = "One|Two|Three";

//Splitting the text on backslashes

//Note that there are 2 '\'.

String[] tokens = text.split("\\|"); 

//Loop over the array to display the result.

for (String token : tokens){

    System.out.println(token);

}

One

Two

Three

Most of the time, split() is used to break well formatted messages. For example, "One|Two|Three" is well formatted with values in-between every backslash. What if the message is like this: "One||Three"?

String text = "One||Three";

String[] tokens = text.split("\\|"); 

for (String token : tokens){

    System.out.println(token);

}

One

Three

In this example, you can see that the text was split into {"One", "", "Three"}. If you want the result to be {"One", "Three"}, you need to modify the regular expression.

String text = "One||Three";

String[] tokens = text.split("[\\|]+"); 

for (String token : tokens){

    System.out.println(token);

}

One

Three

As you can see, if you are familiar with regular expressions, split() is a very useful tool to split texts with complicated patterns.

Bitcoin (3) - bitcoin vs real currency

以下為一段新聞:

"昨日人民銀行、中銀監、中證監、中保監及工信部等五部委聯合發布《通知》，將Bitcoin定性為特定的虛擬商品，不具有與貨幣等同的法律地位，不能且不應作為貨幣在市場上流通使用。雖然《通知》容許居民擁有及參與Bitcoin交易的自由，但卻嚴格禁止各金融機構和支付機構從事與Bitcoin相關的業務。"




監管Bitcoin其實係有必要o既，但問題在於如何監管。《通知》將Bitcoin定性為虛擬商品，而不是貨幣，目的係想打擊Bitcoin炒賣，因為越多人參與Bitcoin炒賣，對真實貨幣影響就會越來越大。

舉個例：

假設 1 CNY = 0.164 USD

Bitcoin o既出現產生以下關係

1 BTC = 6000 CNY

1 BTC = 1000 USD

運用簡單數學，1 CNY 就會相等於 1/6000 BTC，而1/6000 BTC其實能夠兌換 1/6 USD，即大約0.167，同直接兌換率有出入。而BTC係非常不穩定o既，就例如當《通知》發佈之後，BTC 於BTC China立即下跌35%。BTC兌CNY下跌，就會影響到上面其餘兩個關係，一係BTC兌USD同時下跌，以為持CNY兌USD關係，一係CNY兌USD上升，以為持CNY兌BTC關係，但在自由市場上，通常會兩種關係同時調整，直至達到平衡。但係CNY同USD都有非常大o既力量去為持匯價，所以好明顯以上情況會主要改變BTC兌USD去達到平衡。而中國政府最擔心o既係當BTC普及到有足夠力量去維持自身價值時，改變o既就係CNY兌USD。





風險披露 及 免責聲明

加密貨幣價格有時可能會非常波動。同時，加密貨幣價格可升可跌，及甚至變成毫無價值。買賣加密貨幣未必一定能夠賺取利潤，反而可能會招致損失。
任何關於以往業績的陳述，未必能夠作為日後業績的指引或參考。
倘若投資涉及外幣，匯率的波動或會導致投資的價值作出上下波動。
在新興市場投資，閣下需要對每項投資以及風險(包括但不限於主權風險、發行人風險、價格風險、流動性風險、法律和稅務風險)作出謹慎和獨立的分析。而且閣下亦需注意，雖然這些投資可以產生很高的回報，他們亦同時存在高風險，因為市場是不可估計，而且市場未必有足夠的規條和措施去保障投資者。
在閣下進行任何投資前，閣下應索取有關所有佣金、開支和其他閣下須繳付的費用的明確說明。這些費用會影響閣下的純利潤(如有的話)或增加閣下的損失。
所有分享純屬個人心得，所提供的投資策略未必適合所有投資者, 也非作為或被視為買入或出售該金融產品或商品的邀請或意向。
上述觀點只代表作者本人意見。本團隊成員及其客戶可能持有上述相關產品權益，並隨時可能買入或沽出。

本人當然持有Bitcoin。

Bitcoin (2) - The value of bitcoin

Bitcoin o既興起似乎己經引起大眾關注，而家每一日o既新聞或專欄都總有一兩篇係同Bitcoin有關，有D話由於Bitcoin o既高度安全性，相比VISA card，Master Card，Paypal，Bank Account等，Bitcoin o既安全性係呢D電子貨幣或付費工具冇得比，亦因為咁，用家同炒家唔會擔心D錢唔見左或比人偷左。但亦有唔少人唱衰Bitcoin，話Bitcoin熱潮只係一個泡沫，只係科網熱o既副產品，而Bitcoin始終唔係真正貨幣，亦唔似真錢咁係有實質資產支持(例如下文提到美元曾經以金本位制度設定其價值)。

其實Bitcoin將來值唔值錢，係好難估計o既。筆者執筆時1 Bitcoin為1234.95美元。將來值幾錢，好視乎Bitcoin o既普及程度。舉個例，如果StarBucks答應，每0.01BTC可以換一杯咖啡，假設一杯咖啡係1美元，咁1BTC就相等於100杯咖啡，即100美元。呢個關係就己經將BTC o既值價定位。美元曾經以金本位制度設定其價值，而Bitcoin其實亦可以以"咖啡本位"設定價值。而事實上，世界各地越來越多網上或實體商店接受Bitcoin，可以用來交換貨品或服務，而呢D商店對Bitcoin o既定價，其實就己經可以為Bitcoin設定價值。所以，只有世界上有商店接受Bitcoin，咁對Bitcoin o既價值就有一定支持。再發展落去，越來越多商店接受Bitcoin，就會產生需求，上次講過，Bitcoin數量有限，所以o係高需求而有限供應情況下，Bitcoin價值必然被推高，越普及，價值越高。

不過，雖然到現時為止仲未有政府機關插手Bitcoin，但好多人擔心，如果有一日，某國政府唔喜歡Bitcoin，而全面收購Bitcoin，或立法阻止Bitcoin流通，會即時令Bitcoin價值大跌。其實呢個問題一D都唔需要擔心，好簡單，中國大陸係禁止開辦實體或網上賭場o既，咁你認為大陸人係咪真係冇得賭?






風險披露 及 免責聲明

加密貨幣價格有時可能會非常波動。同時，加密貨幣價格可升可跌，及甚至變成毫無價值。買賣加密貨幣未必一定能夠賺取利潤，反而可能會招致損失。
任何關於以往業績的陳述，未必能夠作為日後業績的指引或參考。
倘若投資涉及外幣，匯率的波動或會導致投資的價值作出上下波動。
在新興市場投資，閣下需要對每項投資以及風險(包括但不限於主權風險、發行人風險、價格風險、流動性風險、法律和稅務風險)作出謹慎和獨立的分析。而且閣下亦需注意，雖然這些投資可以產生很高的回報，他們亦同時存在高風險，因為市場是不可估計，而且市場未必有足夠的規條和措施去保障投資者。
在閣下進行任何投資前，閣下應索取有關所有佣金、開支和其他閣下須繳付的費用的明確說明。這些費用會影響閣下的純利潤(如有的話)或增加閣下的損失。
所有分享純屬個人心得，所提供的投資策略未必適合所有投資者, 也非作為或被視為買入或出售該金融產品或商品的邀請或意向。
上述觀點只代表作者本人意見。本團隊成員及其客戶可能持有上述相關產品權益，並隨時可能買入或沽出。

本人當然持有Bitcoin。

Bitcoin (1) - What is bitcoin?

Bitcoin係一種電子貨幣，但並非好似paypal，支付寶咁，由一個organization去控制同埋監管。Bitcoin係由一種好覆雜嘅algorithm創造，而且已經可以計算到喺2140年嘅時候，Bitcoin數量會有大概2千1百萬個。

一般人第次接觸Bitcoin，會覺得佢唔可靠，因為都唔知Bitcoin係咩黎，而且又唔知用真金白銀換嘅Bitcoin會唔會突然之間變得一文不值。咁呢個問題就要講下點解錢會有價值。當你拎住張一百蚊紙，點解唔驚佢突然變得唔值錢呢？你唔驚，係因為通街都接受你嗰一百蚊，你可以買好多野。但如果長期黎講，你又唔會怕佢通漲到唔值錢咩？唔驚，因為政府控制貨幣，佢點都唔會比自己國家嘅貨幣貶到一文值嘅。

Bitcoin之所以值錢，第一，佢其實可以買到野，最初Bitcoin出現時只可以網上購物，或者用黎買online game嘅武器，但今時今日己經發展到有Bitcoin ATM，直頭可以拎Bitcoin喺手。（不過其實ATM出黎嘅Bitcoin其實只係一次性嘅Bitcoin"券"。）第二，Bitcoin係以peer-to-peer原理去maintain所有Bitcoin，每一個Bitcoin Wallet都儲存晒所有Bitcoin嘅去向，所以冇人可以控制Bitcoin，冇人可以發行Bitcoin，冇人可以大量生產Bitcoin，亦因為咁，Bitcoin就好似黃金，鑽石一樣，數量非常有限。第三，因為冇政府可以控制到Bitcoin，而Bitcoin又係由整個blockchain network去支持，所有Bitcoin冇地域界限，亦都冇國家或政治限制。所以拎住Bitcoin嘅人唔需要擔心某國為左發展經濟而大量印制Bitcoin，令佢貶值。而最終結果係人人都寧願拎住Bitcoin好過拎住現金，呢個亦係點解Bitcoin一直升值嘅原因。

風險披露 及 免責聲明

加密貨幣價格有時可能會非常波動。同時，加密貨幣價格可升可跌，及甚至變成毫無價值。買賣加密貨幣未必一定能夠賺取利潤，反而可能會招致損失。
任何關於以往業績的陳述，未必能夠作為日後業績的指引或參考。
倘若投資涉及外幣，匯率的波動或會導致投資的價值作出上下波動。
在新興市場投資，閣下需要對每項投資以及風險(包括但不限於主權風險、發行人風險、價格風險、流動性風險、法律和稅務風險)作出謹慎和獨立的分析。而且閣下亦需注意，雖然這些投資可以產生很高的回報，他們亦同時存在高風險，因為市場是不可估計，而且市場未必有足夠的規條和措施去保障投資者。
在閣下進行任何投資前，閣下應索取有關所有佣金、開支和其他閣下須繳付的費用的明確說明。這些費用會影響閣下的純利潤(如有的話)或增加閣下的損失。
所有分享純屬個人心得，所提供的投資策略未必適合所有投資者, 也非作為或被視為買入或出售該金融產品或商品的邀請或意向。
上述觀點只代表作者本人意見。本團隊成員及其客戶可能持有上述相關產品權益，並隨時可能買入或沽出。

本人當然持有Bitcoin。

IT interview (5) - 死穴

interview o既中文係面試，其實最重要o既元素係面對面講野。最近又有另一位朋友去左interview之後分享經歷。
呢位朋友係一個好資深o既Java expert。佢in呢間公司係一間startup，啱啱攞到funding，諗住o係香港大展拳腳。呢間公司係做FX，即係外匯。據朋友講，雖然佢地仲請緊人，office都仲裝修緊，但己經攞左牌，起左個website比人開account炒FX。而呢間公司最有趣o既地方係，佢地第一款product唔係炒一般o既貨幣，而係炒bitcoin。
Bitcoin係一種網絡上面流通o既虛擬貨幣，可以o係好多網絡商店買野，同埋可以用credit card買bitcoin。而呢種貨幣o既流行程度，竟然可以發展到可以同世界上不同貨幣自由兌換。即係話，其實bitcoin己經由虛變實，最近仲開始有bitcoin ATM，而且仲會越來越多。講返轉頭，朋友去in o既呢間公司，就係睇準bitcoin呢種新興貨幣，去整一個平台比人炒賣。所以而家雖然起左步，但個老細仲想請多D人，去起不同o既平台去炒相關o既產品。
佢o個日上到去間公司，一睇就知係一間startup，因為間office仲裝修緊。成間office唔大，有兩三間房，其餘地方就整D豬肉枱，非常慳位，一眼望落真係似computer lab多D。佢同呢間公司o既CTO傾計，一坐低，就當然講下間公司o既business啦。朋友估得冇錯，真係炒bitcoin同其他貨幣，但黎緊仲有好多project會做，會grow去不同business area。而家呢間office咁細，當然唔會夠坐，所以佢諗住o係大陸都會build個development team。
今次呢個interview，主要係考concept，佢問好多technical o既野，問你識唔識，唔識o既話佢就唔會drill down，如果你話識，佢就會越問越深入，睇你識幾多。舉個例，佢問左我朋友識唔識JQuery, AngularJS, 等，但由於佢主要都係做server side，所以都答佢唔識，同埋話佢知自己長處o係邊。咁樣有幾個好處，第一，interviewer唔洗浪費時間一樣一樣問你識唔識，你話唔識邊個area，就可以快手D。第二，interviewer會覺得你好清楚自己識D乜，唔識D乜，而唔係好似D fresh grad咁，乜都話識。第三，interviewer如果問黎問去都係D你唔識o既野，你自己都會開始冇信心，對成個interview都唔會有好處。所以呢位朋友真係做得好啱。
個CTO之後開始主力問server side野，例如點樣tune performance，點樣避免好多條thread一齊郁個object時會出錯，點樣用hibernate同spring，裡面D transaction係點運作，乜野係sql injection。然後再問UML，例如sequence diagram係用黎做乜。其實佢答呢D問題係冇難度，唔似做test咁，要好準確o既答案，只要prove到你係識就得。其實呢D先係interview主要o既目的。
不過，對呢位朋友黎講，成個interview最令佢冇信心係講英文。因為個CTO係鬼佬，一定要用英文同佢溝通，而佢一向用開廣東話去解釋technical野，所以佢講得好唔流暢。
所以話呢，邊個話讀唔掂英文o既就去學IT，應該倒返轉，讀好左英文先好黎讀IT！

IT interview (4) - 背野

繼續上一次o既話題，interivew時叫candidate做test，的確可以filter到一D連基本知識都冇o既人，簡單D講，呢D人其實係白撞，駁大霧。但如果個test太難，係會連D有potential o既candidate都filter埋，咁就真係唔知整個test黎為乜。

好多大公司大企業都有test，o既好多時個test係要你背API，背protocol，背syntax，甚至背晒咩version有咩唔同。呢D咁o既test，我通常一見到就眼火爆，點解？首先，作為IT人，我相信絕大部份人都係唔會背呢D野，而係需要時先睇返document，搵返個reference，如果唔係點解大學讀咁多野教寫document？仲有，如果要背晒咁多野先叫pass，唔該你叫我做test之前比個syllabus我，我考慮下讀唔讀先黎join個test，不過我相信就算真係比到個syllabus我，我睇完都唔會黎做test，因為個test根本唔make sense。不過，間公司話唔定真係想請個背到晒咁多野o既"神人"，咁我會諗，如果呢間公司咁啱請左我，我入到去，咪要日日對住成班"神人"？

唔好意思，我唔係"神"架。

男女大不同?

一直以來，聽好多好多人講男女有幾唔同。D人成日話男人對女人諸多要求，又要天使面孔，又要魔鬼身材，又要有返咁上下學歷，又要小鳥依人，又要唔失禮人，其實女人對男人要求都唔少，又要有樓，又要有車，又要高學歷，又要型英帥靚正，搵到錢之餘仲要唔會亂洗錢，有上進心之餘又要工作穩定，仲要玩得，睇得，依靠得。其實我想話，男女對異性要求並無大不同，一句講晒，要better than above average。

聽唔少單身朋友講，不論男女都會話，唔知點解自己咁好條件都冇人要。其實你應該先反省一下，你想咩人要你？好多人一開始會話自己要求好簡單，女仔會話："我無咩要求，淨係想搵個男人依靠下咋"。
"咁啱我有個朋友，佢都係單身，可以介紹你識喎！"
"佢做咩職業？"
"做IT。"
"下，IT人好宅架喎！"
我心諗，我都係IT人...
"佢好玩得，唔宅架。"
"有冇相呀，比我睇下先啦。"
"佢唔靚仔架。"
"咁你做乜介紹比我？"
"咁另一個朋友啦，做醫生，搵到錢，又玩得，又好傾，佢仲成日做gym，好健碩，應該啱你。"
"咁好？咁佢點解冇女朋友？"
"佢身材比較矮小。"
"有幾矮？"
"同你差唔多囉。"
"下...唔好玩啦"
其實我想講，你話無要求，係有個"如果"o係前面: "如果佢咩都perfect，咁我咪無要求囉。"
唔好玩啦...佢咩都perfect的話，點解要揀你？
事實上，男人都會有以上情況發生。男同女其實都一樣，都係想搵比自己高level一大截o既異性。而高level o既，又點會揀低level o既呢？
下次再呻冇人要之前，麻煩你反省下自己咩level，想搵咩level。

IT interview (3) - interviewer

最近聽說一個朋友in一間誇國企業o既IT位。個interviewer只係問左兩個technical questions。而其中一題係問validate一個email address o既regular expression。聽落呢題問題好似好professional，唔職IT o既人一定會覺得連佢問乜都唔知。

我其實想講，呢個interviewer真係唔知咩叫interview，無論係識識地IT o既人，定係好資深o既IT人都會話唔職答呢個問題。點解？因為IT人唔係唔背野的。如果可以google到o既，點解要記？google搵答案，隨時一分鐘之內就搵到。而我要自己去solve個問題，我諗我最少要幾個鐘。個interviewer問呢個咁o既問題之前，其實佢有冇諗過呢個世界有google。

呢個世界上實在有太多interviewer問D垃圾問題。如果一條問題係乜人都答到，或者乜人都答唔到，咁你問黎目的係為乜？除非個interviewer別有用心，諗住你好醒咁答佢："比一分鐘我google完再答你。"

Hygiene Factor

香港人轉工已成習慣，但大部份顧主仍然唔知點樣留人。人才係一間公司成功o既重要元素，冇人才，間公司有幾大優勢都發揮唔到。而最明顯同最容易改善o既問題，其中一個應該係Hygiene Factor。

字面上，Hygiene Factor似乎係覺衞生問題。多D清潔辦公室，似乎同留住人才冇乜關係喎？其實Hygiene Factor係一D影響員工對工作或工作環境滿意度o既因素。聽落好覆雜，但其實背後理論好簡單。舉個例，如果你將自己間房打掃得好整齊，其實好少人會特別留意。但如果你間房好亂，好污糟，客人黎到會好自然留意到。原因係，一般人會覺得打掃房間係好正常，你唔打掃就好唔常。同樣道理，你每個月準時出糧係好正常o既事，你平時唔會特別留意幾時出糧。但如果你公司出糧唔準時，你就會鬧爆間公司，甚至o係多次遲出糧之後一你之下唔撈。呢D就係公司好易做到而唔去留意o既問題。唔單止出糧時間，其實好多小問題都會令員工不滿意，例如枱頭電腦仲用緊xp(而且係龜速)，每次要求買文具都要半年時間先買到，想print野o既時間printer成日都冇墨，公司厠所永遠都係臭o既，公司冷氣點較都係凍(熱)到飛起。

其實不同工作環境都有不同o既例子，顧主如果想保留人才，應該好好反省下點樣改善呢D問題。

IT interview (2) - technical test

香港IT人同外國IT人最唔同o既地方係，香港IT人經常轉工。大部份IT人平均一份工只會做1年半到兩年。原因就係同我之前提過o既待遇同workload不成正比。所以，識得interview o既IT人係會著數好多，同樣有十年經驗o既IT人，人工可以相差超過一倍。所以，interview skills係非常重要。亦都係因為咁，為左保持競爭力，我時不時都會出去interview，一來可以train下自己interview skills，二來可以參考下人地點樣interview，三來如果出面有公司出得起錢請我過當，而我又覺得份工OK o既話，轉下工又有乜所謂呢？I am always open to any opportunities.

最近去左一間誇國公司做個interview test，間公司主要提供system support比ibank同大型金融機構，呢個test主要係針對Java Development。去之前己經聽聞呢間公司會考得好詳盡，而且一D都唔係膚淺野。未考之前，淨係睇份test有幾多張紙，己經唔小野，拎起手係有重量，係一疊紙，而唔係幾張紙。以前我都有試過準備interview test o既問題，都只係5-10張紙，而呢份卷係幾十張紙。我未做己經O左咀。一邊做份卷，我一邊繼續O咀。因為份卷由java collections framework, exception handling, multi-threading, java memory structure, garbage collection到CVS,GIT operations, Linux command, SQL statement, JDBC。基本上你識同唔識o既野都考晒。

除左考technical skills之外，interview test多數仲會有business knowledge o既問題。視乎唔同職位，份量會唔同。例如呢間誇國公司o既另一份針對面對客戶o既職位o既test，會問咩係Equity，咩係Options，知唔知間公司有咩core product，知唔知公司有咩對手，對手provide咩product。同樣係非常詳盡o既test。

IT人一向以ibank為目標，只要入到ibank就發達，但有冇諗過就算比個機會你去interview，可能未見人就己經輸左o係份test度？

Java

不知不覺，用Java寫program都用左十幾年。仲記得當初未學Java之前，係學C++先。相比C++，Java API易學易用，而且容易debug，所以自從學左Java之後，基乎所有program我都係用Java黎寫，連A.I.都唔例外。

Java好處多，但亦有缺點。當年比人講得最多o既係Java永遠都run得慢過人，成隻大笨象咁，所以D人唔會用黎寫D mission critical o既application。但近幾年Java己經改善唔少，就連市場上唔少stock trading system都用緊Java。

Java仲有一個好大o既優點，就係佢o既garbage collection mechanism。用完o既object可以唔洗理，等system自動抹走，就可以reuse memory。但o係C++就要特登寫行code去delete object，唔記得delete o既話就會造成memory leak，但如果太早delete的話，一call delete左o既object就會爆error，輕則system crash，重則藍畫面。而且，就算用debug mode行C++做testing，D error msg都係超難睇，淨係debug都好麻煩。而Java就handle晒呢D麻煩野，令developer真正focus on business logic。

下面係Java一直以來o既version，同埋release date。

Source: http://blogs.perceptionsystem.com/infographic/history-java-versions-release-date-distribution/

香港，留或不留?

最近見到好多文章或報道開始對留唔留o係香港講得越來越多。大家將香港同新加坡，台灣，澳門比較，而且有好多朋友都話想移民。講真，97回歸到而家己經16年。香港己經一步一步改變，而家o既香港己經同以前唔同左好多，如果所有野繼續好似而家咁行落去，我深信香港只會downgrade成中國o既一個城市，而唔係一個國際大都會。
香港政府由23條問題，國教問題，到而家發牌問題，一次又一次同民意背道而馳，我相信香港政府而經唔係為香港市民服務，而只係中央o既一個傀儡。所以，香港呢個地方真係不宜久留，因為香港己經唔係香港人o既地方。

環遊世界(1) - 泰國 - 布吉

一星期布吉之旅，真係可以令人放鬆。每日陽光與海灘，晚晚龍蝦海鮮餐，計一計條數，真係乜都比香港平幾倍。
黎布吉玩，雖然話乜都平，但對當地人黎講，其實乜都貴，只不過香港賺錢布吉洗，D錢好洗好多。今日就同大家分享下去布吉玩點樣可以平玩~

Day Trip
大部份去布吉玩o既遊客都會報day trip，你只要o係條街行一轉，就會發現通街都係報day trip o既小鋪。同樣都係o個堆行程，o係酒店入面都有得報名，但個價錢就會貴少少，而且佢地唔會減好多比你。咁點樣先可以玩平D呢？
首先，由機場去酒店時，好多時會坐mini-bus，因為平，大概180B。但D mini-bus會中途停一停，話就話要D人落車講清楚去邊間酒店，但其實係叫你join佢地D day trip。呢D地方最多只會比大概七八折，你聽到以為好平，但其實去到酒店附近，行出街book day trip，係可以講價講到三折！如果你己經一早諗好邊幾日會join day trip，一次過報名，你o既bargaining power會更大，可以減得更多。我地兩個人去day trip，其中一日係三合一，即係一次過去晒三個地方(Maya Bay, Khai Island, Monkey Beach)，而trip o既一位印度人，佢報名要2200B，我地就兩個人加埋先2200B，足足平佢一倍！

Currency Exchange
兌換泰銖，唔好以為o係機場換好方便，其實機場個rate一D都唔平。其實只要有少量泰銖o係手，去到酒店附近D找換店唱錢個rate會靚好多。當日我o係機場見到係3.92,而o係Patong Beach附近最靚係可以3.99。只要行多幾條街，好容易就搵到個rate靚少少。而且其實可以有需要先，唔洗一次過換好多，因為真係條條街都有間找換店，仲密過香港o既7-11。

Book 酒店
我多數會o係Hotels.com度book酒店，因為個價同其他網站差唔多，而Hotels.com個App又幾好用。而且，住滿10晚會送一晚，之前就係因為咁，去澳門睇水舞間可以唔洗比錢就住一晚酒店。Hotels.com有時會有promotion，有九折coupon code，但如果用code，就唔計落住十送一度，所以自己要計下數。另外，布吉酒店唔好咁早book，因為D酒店房係會跌價的，除非你想住D好高級o既酒店房，如果唔係，去之前半個月至一個月先book會最平。今次呢個trip，我就住左Burasari同埋Kalima。兩間都好ok。尤其Kalima個Pool Side BBQ o既beef steak，燒得好正，D汁又好味，仲包埋salad bar任食，我地最後食左兩次~價錢，每份320B，大概80蚊港紙，真係平靚正~

留意
酒店雖然好，但原來好多時係唔包牙膏牙刷，所以去布吉最好帶定。另外，報day trip時，個agency一定會話everything is included，但你會發覺浮潛只包Mask同Snorkel，唔包Fin，要租Fin就另外比100B。仲有，沙灘椅都係唔包，要到時比錢，唔同地方唔同價錢，大概100到150B。洗手間都好多時要比錢，10到20B左右。Day Trip會有一個tour guide帶住，會有briefing，完左day trip佢會問遊客攞小費，有D人會唔比，但我覺得佢講解都幾好，心幾十B冇乜所謂，最緊要開心。

Recommendation
Patong Beach有個shopping mall叫Jungceylon，好似譯做江西冷。裡面有好多野買，但最值得留意o既係佢附近o既Banzaan Market。Banzaan Market有兩層，下面係街市，好似香港o既wet market咁，上層係一個food court，但佢地主要係幫你煮餸。我地o係Banzaan Market食左兩次，每次都係o係街市買左海鮮，然後拎上去叫人整。第一次就食龍蝦刺身同炒大蜆，第二次就一人一隻蒜蓉蒸龍蝦，同埋十幾隻超大隻瀨尿蝦。呢兩餐每餐大概2000B左右，即港幣500蚊左右，真係平。我都未試過食龍蝦食到飽。仲有要留意o既係，Banzaan Market有D水果Shake，每杯40B，我地行晒成個Patong Beach都搵唔到呢個價錢o既shake，而且佢係用真水果整，好好味，又係平靚正~
仲有,Banzaan Market外面o係入夜之後會有夜市，好多小食，所以Banzaan Market入面會不停減價清貨，呢個時候D海鮮係最平~不過要小心，上層食肆如果收晒就冇人幫你煮架喇~

IT interview (1) - test

IT人面試同其他位置最唔同嘅係，你好多時需要做test，有時係數學題，有時係technical題目，有時係IQ題。每個test嘅目的都唔同，好視乎請呢個位嘅人係咩人，識唔識IT。如果成個面試過程都冇乜做test，而又吹水多，咁好明顯你將來嘅上司都唔必識technical野，所以唔識點challenage你。
好耐之前試過去一間日本公司interview，一黎就先做test，一睇，全部都係數學題。最記得有一題係問，有隻蟻由一個正立方體嘅一個角走到對面個角，正立方體所有邊長都係1m，咁隻蟻最少要行幾遠呢？呢個好明顯係考你3D concept，同埋一D數學公式。（你地又識唔識答呢？）
其實更多公司係要你即時用紙同筆寫program，呢D test其實唔expect你背到晒D library點用，而係考你解決問題嘅能力，好多時都係要你寫個sorting出黎，去証明你有基本programming 嘅底子。所以其實應該一早就預備定sorting algorithm，只要做test基本上十次有八九次要寫。
不過仲有D好嚴謹嘅公司係會即時比部電腦你寫program，咁呢D就真係冇辦法，完全靠你實力同經驗去做，冇得出貓。

如果IT部門流血不止點算?

IT一向比人o既感覺係執頭執尾，平時行行企企，唔有咩做，部電腦有咩事先搵你。而且做親IT project下下幾百萬budget，洗咁多錢又唔識搵錢。所以IT人長年都係處於非常低工資o既狀態。一般大學畢業生，只有一萬頭，我自己當年畢業，連一萬都冇。而家，連洗碗都可以搵萬幾兩萬，仲要冇乜人想做。
IT工資低，己經唔係新聞，人人都知，所以請IT人都一定有得壓價就壓到盡。但係，又有幾多人知道IT工作有幾辛苦呢？就以我自己為例，當年仲係得萬零蚊人工o既時候，平均8-9點收工，好多時要11-12點先收工。而且星期六好多時要做testing，要返公司OT，但唔會有補假補水，過年過節要做system upgrade，又要做到好夜，甚至要通頂。
試過有一次，system launch 當日，system support同事由下午開始準備第二日要system launch，抄晒D file，拎去客人公司server 房，所有野有晒procedure跟，我呢D做developer o既，梗係唔會出手，但凌晨時份收到call，出左事，個system好似有問題。當時係3點鐘，我住屯門，客人公司o係側魚涌。用最快速度飛的去，都差唔多5點先去到，所有野重新verify過晒，搵到幾個小問題，然後重新再行成個procedure，可惜都係唔得。之後，用左兩日兩夜去搞，最終都launch左，不過我己經攰到死咁濟，因為兩日兩夜冇休息過。而個客仲要我stay o係佢公司睇住套野。。。好似唔想比我返屋企咁。。。
呢D情況，我相信每日都不停發生，我有時會諗，如果呢個世界突然冇晒IT人，會變成點呢？
事實上，由於IT人工資低，好多人都轉行唔再做IT。所以近年IT開始鬧人才荒，基本上間間公司都請唔到IT人。有D公司開始重視IT，因為怕D人走晒之後冇人睇住D system，有事唔知搵邊個。但有D後知後覺o既公司就仍然唔重視IT人，最近有個朋友間公司就係咁，成個IT department o既人不停走，D人走得快過請人，system support己經唔夠人，最近仲一次過走左三個developer。最後，連個CTO都話要走，D人真係handover完又handover，都唔知有幾多野失傳左。呢間公司o既IT最終得返兩個system support同兩個developer。事情發展落去會係點呢？我都好有興趣想知。

大市上升,點買樓?

好多人都覺得而家樓價太貴，好難買樓，希望個市跌。但其實諗深一層，個市跌，你係咪會買到樓?

如果你已有一筆現金，為買樓而準備，隨時可以動用的話，咁恭喜你，你好大機會買到樓，只要你筆錢足夠一次過買斷層樓，又或者你有穩定職業，銀行做到按揭比你，而你筆錢又足夠比首期同雜費。

但係，如果大市升，原本以為夠錢買樓，變左唔夠錢買樓，咁又可以點呢？

如果你自己己經有一層樓揸手，咁就好易，只要你加按就可以套現，咁你就有多D資金去投資第二層樓。

但我相信大部份想買樓o既人都只係想上車，點會有第一層樓。咁大市一直市上去點算??其實買樓需要o既，不外乎一筆首期同足夠o既供款能力，有樓的話，加按可以增加現，令你可以比到首期，但冇樓o既話，其實可以增加自己供款能力。最直接方法就係搵份更好o既工，大市上升，轉工加薪有時比起公司主動加薪會加得更多。如果有時間，可以讀多D野，例如讀個master，就算對加薪幫助不大，你學多左野，又識多左人，絕對算係長線投資，對你將來再加薪會有幫助。樓市週期係講緊幾年到十幾年o既時間，足夠你去部署加薪略，將來樓市跌，你只要穩守人工，保住供款能力，咁對你上車一定有幫助。

怪獸老闆

呢個世界除左有怪獸家長外，原來仲有怪獸老闆。

最近有位IT朋友在公司負責一個大Project，此Project雖然係IT Project，但同IT department係分開的，所有team member都係新請返黎，完全係為呢個Project而build一team人。我聽落真係好羨慕，因為咁o既機會真係唔多，可遇不可求。

原本個Project進行得如火如荼，而上司亦一直贊成繼續進行，亦沒有表示過Schedule和Budget有咩問題，但最近準備向Vendor買野之際，突然剎停整個Project，最少遲半年先可以比錢買野，成Team人當然大惑不解。有D人原本因為可以大展拳腳而加入，而家都意興闌珊，只要搵到新工就會閃人。

呢位IT朋友當然盡力想辦法留人，始終今時今日好難請到經驗豐富又做野落力o既IT人。但係仲未諗到方法o既時候，大老闆突然o係例會上話想學IT，仲話黎緊呢一年會去IT department坐下，有咩事就去IT department搵佢。最奇怪o既係，老闆竟然叫埋呢team人一齊去IT department學野。結果，而家成team人乜都唔做，淨係坐喺老闆隔離學野。學D咩？當然唔會係深野，全部都係講D application點用，D制有咩效果，點會掂到programming同networking。

佢地成team人而家個個都叫晒救命，己經準備跳船，結局會係點似乎真係好明顯。真係估唔到呢個世界會有呢D怪獸上司怪獸老闆。

想請IT人定請超人?

有時真係覺得好好笑，喺非IT人眼中，原來個個IT人識o既野都一樣，無論你係寫開Java定C++，做開Support定寫開Programmer，總之你係做IT就應該乜IT野都識。
之前同朋友傾開計，屋企人係唔理你做咩位，總之你係做IT就所有有個電字o既野都識整，識整電腦唔出奇，整電燈，電制都唔算好難，但電熱水爐，電熨斗呢D真係唔係好識整囉，聽講最近仲漫延到有個機字o既都要識，例如洗衣機，電視機，吸塵機，冷氣機。其實我想講，如果大家expect IT人識咁多野，點解唔比高D人工呢？
其實而家D人請IT人，個requirements都係寫到咩都要識，由networking到programming，由C++到ASP.NET，由MySQL到Oracle，由Tomcat到WebLogic，由Windows到AIX，其實，你到底想請個咩人呢？而你又出起幾多錢去請個識晒呢D野o既人呢？

做IT好風光?

作為一個IT人，好明白IT行業情況如何。Programmer一向人工低，工時長，瘋狂OT之餘又唔會有補假補水，辛苦得黎老細又唔會睇得起你，你唔做，大把人爭住做。但外界又點睇IT呢？今朝聽收音機，講到喺IT公司做好有前途，好風光咁，明顯同實際情況有好大差距。到底IT人有幾可憐呢?
首先，由於一間公司入面o既IT部門一般只係會洗錢，唔會有收入，所以高層唔會重視IT，因此，請IT人亦唔會高人工。而outsource IT project，亦唔會揀貴野，但高層又expect比得錢人地就要快靚正。
作為一間IT Vendor公司老細，D客比得錢少，但又要求多多。但可以唔接咩？接！但要D developer做到成隻狗咁，要做到平靚正，唔OT點趕deadline？補水補假？補左比你，公司賺乜？結果就係做IT又辛苦，又低人工，又工時長，又壓力大，又冇補假補水。
如果你身邊有IT朋友，問下佢工作情況，佢實大把苦水要吐。

買樓?炒樓?

身邊的朋友都為買不到樓的問題而苦惱，尤其那些己經和女友拍拖好幾年，準備結婚的朋友。結婚一定需要買樓？不一定，但有好過沒有，因為有面子得多，女家家人不會因為你沒有樓而不把女兒嫁給你，但會在言語之間流露出對你的不尊重，就好像女兒嫁給你之後就沒好日子過一樣。
最近看了別人的Blog，說怎樣炒樓，賺了多少桶金，計算詳盡。我相信的確有人可以從樓市人穫利，但我不相信人人都可以做到。道理很簡單，投資樓市是非常長線的投資，每買一個單位，都需要注入一筆現金，而這筆現金根本不少。儲錢的確可以儲到足夠現金去買第一個單位，但前題是儲錢的速度需要快過樓價的升幅。而且，每次交易都需要付出一筆交易成本，例如經紀佣金，印花稅等。所以如果一個人可以有足夠金錢去炒樓，這個人必需有非常多的資本。而且，政府的辣招把現在的炒樓活動的成本大大增加，要遇到有水位的樓盤是非常考眼光的。一不小心，儲到的錢又要重頭再儲一次。雖然說買到的單位可以出租，但租價多少，真的視乎市場供求，地理位置而定，最近由於政府推出辣招，持貨者難以出貨，大量樓盤改為出租，大量租盤供應，使租價受壓。結果，炒樓者資金被凍結，租金扣除供款後所餘無幾，最終只能等機會翻身。而炒樓這種長線投資，一等就是數以年計，說不定會失去更多機會。

香港人憤怒鳥!

最近，香港電視得不到免費電視牌照一事，鬧得滿城風雨。其實現在己經由一個商業層面的事，演變為政治層面的事。市民已經不是因為單單一個牌照、一間公司或者一個公司主席的不公平對待而憤怒，而是因為政府的處事手法滲透着不可告人的秘密，充滿着紅色恐怖的氣氛而感到震驚。

香港人一向崇尚自由，亦驕傲於有一個廉潔社會。但自從九七回歸之後，香港人己經開始怕這些最寶貴的核心價值會被剝奪。而這次發牌事件的過程和評分標準都被政府以行政會議的保密機制為理由，拒絕向外透露分亳，很容易令人聯想到以後香港所有政策都可以用相同理由達到黑箱作業去控制香港發展。那麼，政府將來以相同手法去剝奪市民的言論自由、集會自由、等，都沒有人可以過問。

正正就是政府這種做事手法所投射出來的未來，跟本就是大陸現在的樣子，再加上越演越烈的中港矛盾，才激起了香港人的憤怒。